Trajnim për Udhërrëfyes Turistik të Specialitetit Kayak & SUP

Numri i orëve të trajnimit, të nevojshme për të përfituar çertifikatën e Udhërrëfyesit turistik të specialitetit Kayak & SUP është 320. 

Struktura e kurikulës është:

• 76 Orë njohuri mbi specialitetin Kajaking dhe Stand up paddle board;
• 20 Orë njohuri mbi teknikat e guidimit;
• 96 Orë mësimi autodidakt;
• 128 Orë praktikë profesionale.

Orët teorike do të organizohen në formatin hibrid, ku 70% prej tyre do të realizohen online, dhe 30% me prezencë fizike.

Orët e praktikës do të realizohen plotësisht me prezencë fizike.

Trajnimi do të kryhet në ditë fundjave, si dhe ditëve të Marta dhe të Enjte vetëm për orët teorike online.

• Kandidati duhet të jetë në moshë madhore;
• Kandidati duhet të ketë mbaruar me sukses arsimin profesional, të mesëm të përgjithshëm, ose çfarëdo programi tjetër studimi mbi nivelin e arsimit të mesëm;
• Kandidati duhet të ketë nënshtetësi Shqiptare ose leje qëndrimi në Shqipëri;
• Kandidati duhet të ketë dëshmi penaliteti të pastër;
• Kandidati duhet të kalojë me sukses testimin e pranimit.

Për të siguruar mbarëvajtjen dhe sigurinë gjatë trajnimit, kandidati duhet të ketë aftësi fizike për të kryer me lehtësi:

• Udhëtim me kayak, në det të hapur deri në 5 orë të gjata;
• Mbajtjen dhe transportimin e kayakëve për një distancë prej 100 metrash, në breg të detit.
• Not në det të hapur, me një distancë horizontale prej 100 metrash pa jelek shpëtimi;
• Not në det të hapur, me një distancë horizontale prej 100 metrash me jelek shpëtimi.

Ditën e parë të trajnimit, kandidatët do të testohen për të vlerësuar aftësitë e tyre fizike.

Për të përfunduar me sukses trajnimin, kandidati duhet të:

• Jetë prezent në të paktën 75% të orëve të trajnimit;
• Të plotësojë të tëra detyrat e kursit që nevojiten për realizimin e orëve autodidakte;
• Të arrijë rezultatin e përgjithshëm prej të paktën 70% të pikëve në testimin përfundimtar teorik, dhe jo më pak se 60% të pikëve në secilën prej lëndëve;
• Të përfundojë me sukses të gjitha modulet praktike. Përfundimi me sukses i moduleve praktike dëshmohet me anë të një testimi praktik.
  

Për të siguruar mbarëvajtjen dhe sigurinë gjatë trajnimit, kandidati duhet të jetë i pajisur me pajisjet individuale të duhura për aktivitetin.

Këto pajisje janë:

• Këpucë deti
• Veshje të përshtatshme për aktivitete në det
• Syze dielli
• Busull
• Telefon Celular

Në përfundimin me sukses të programit të trajnimit, kursanti do të zotërojë aftësitë e përgjithshme të nevojshme në turizmin e aventurës. Ai do të:

• Zotërojë njohuritë bazë mbi biznesin dhe tregun e turizmit;
• Zotërojë aftësitë e përgjithshme teknike të nevojshme për ushtrimin e turizmit të aventurës;
• Jetë i aftë të interpretojë mjedisin, historinë natyrore dhe kulturore të rajonit ku zhvillohet aktiviteti;
• Planifikojë dhe organizojë udhëtimin dhe pajisjet;
• Zotërojë aftësitë për të siguruar mbarëvajtjen e veprimtarisë që udhëheq;
• Jetë i aftë të mirëmbajë dhe administrojë pajisjet e nevojshme për ushtrimin e veprimtarisë;
• Garantojë sigurinë e grupit gjatë aktivitetit;
• Garantojë kryerjen e veprimtarive që plotësojnë kërkesat e komuniteteve dhe ekosistemeve aktuale pa kompromentuar nevojat e gjeneratave të ardhme dhe që mbajnë parasysh praktika mjedisore dhe social ekonomike dhe ndikimet e tyre;
• Ofrojë shërbim profesional ndaj klientëve para dhe gjatë veprimtarisë;
• Menaxhojë në mënyrë profesionale marrëdhëniet me klientët dhe furnitorët lokalë të shërbimeve.
  
  

Në përfundimin me sukses të programit të trajnimit, kursanti do të zotërojë aftësitë specifike të nevojshme si udhërrëfyes i specialitetit Hiking/Trekking. Ai do të:

• Jetë i aftë të hartojë planin e lundrimit dhe vendosë marëdhënie me rojet bregdetare;
• Planifikojë udhëtimin nga pikëpamja teknike dhe e logjistikës;
• Zotërojë aftësitë për të evidentuar rreziqet në det dhe vlerësuar situatën;
• Monitorojë kushtet atmosferike;
• Jëtë i aftë të përdorë diagramat, pasqyrat e lundrimit dhe hartat për t’u orientur gjatë planifikimit dhe kryerjes së vozitjes;
• Udhëheqë grupin në udhëtime një ose disa ditore;
• Zotërojë aftësitë për të udhëhequr grupin përmes pengesave natyrore si dallgët, blloqet shkëmborë, baticat, rrymat detare, kalimet e hapura;
• Aftësohet për të udhëhëqur grupin në udhëtime natën;
• Vlerësojë dhe mbajë parasysh gjendjen emocionale të anëtarëve të grupit dhe veprojë organikisht gjatë një aksidenti;
• Zotërojë aftësitë për të kryer shpëtimin e grupit dhe të pajisjeve.