Trajnim për Udhërrëfyes Turistik të Specialitetit Kacavarje & Kanionim

Numri i orëve të trajnimit, të nevojshme për të përfituar çertifikatën e Udhërrëfyesit turistik të specialitetit Kacavarje & Kanionim është 320. 

Struktura e kurikulës është:

• 76 Orë njohuri mbi specialitetin Kajaking dhe Stand up paddle board;
• 20 Orë njohuri mbi teknikat e guidimit;
• 96 Orë mësimi autodidakt;
• 128 Orë praktikë profesionale.

Orët teorike do të organizohen në formatin hibrid, ku 70% prej tyre do të realizohen online, dhe 30% me prezencë fizike.

Orët e praktikës do të realizohen plotësisht me prezencë fizike.

Trajnimi do të kryhet në ditë fundjave, si dhe ditëve të Marta dhe të Enjte vetëm për orët teorike online.

• Kandidati duhet të jetë në moshë madhore;
• Kandidati duhet të ketë mbaruar me sukses arsimin profesional, të mesëm të përgjithshëm, ose çfarëdo programi tjetër studimi mbi nivelin e arsimit të mesëm;
• Kandidati duhet të ketë nënshtetësi Shqiptare ose leje qëndrimi në Shqipëri;
• Kandidati duhet të ketë dëshmi penaliteti të pastër;
• Kandidati duhet të ketë përfunduar me sukses trajnimin për "Udhërrëfyes Turistik të Specialitetit Hiking/Trekking";
• Kandidati duhet të kalojë me sukses testimin e pranimit.

Për të siguruar mbarëvajtjen dhe sigurinë gjatë trajnimit, kandidati duhet të ketë aftësi fizike dhe teknike për të kryer me lehtësi:

• Kacavarje sportive të vështirësisë 6b në itinerar të panjohur më parë, me këpucë kacavarje;
• Kacavarje sportive të vështirësisë 5b në itinerar të panjohur më parë, me këpucë dimërore alpinizmi;
• Kacavarje sportive në itinerar me shumë hove;
• Kacavarje alpine të vështirësisë 4b në itinerar të pa siguruar me bulona.

Ditën e parë të trajnimit, kandidatët do të testohen për të vlerësuar aftësitë e tyre fizike dhe teknike.

Për të përfunduar me sukses trajnimin, kandidati duhet të:

• Jetë prezent në të paktën 75% të orëve të trajnimit;
• Të plotësojë të tëra detyrat e kursit që nevojiten për realizimin e orëve autodidakte;
• Të arrijë rezultatin e përgjithshëm prej të paktën 70% të pikëve në testimin përfundimtar teorik, dhe jo më pak se 60% të pikëve në secilën prej lëndëve;
• Të përfundojë me sukses të gjitha modulet praktike. Përfundimi me sukses i moduleve praktike dëshmohet me anë të testimeve praktike në kacavarje dhe kanionim.
  

Për të siguruar mbarëvajtjen dhe sigurinë gjatë trajnimit, kandidati duhet të jetë i pajisur me pajisjet individuale të duhura për aktivitetin.

Këto pajisje janë:

• Shalur për kacavarje
• Kokore për kacavarje
• Këpucë për kacavarje
• Çantë shpine për ecje malore
• Këpucë për ecje malore
• Veshje kundër shiut
• Veshje të përshtatshme për ecje malore dhe kacavarje
• Syze dielli
• Telefon Celular

Në përfundimin me sukses të programit të trajnimit, kursanti do të zotërojë aftësitë e përgjithshme të nevojshme në turizmin e aventurës. Ai do të:

• Zotërojë njohuritë bazë mbi biznesin dhe tregun e turizmit;
• Zotërojë aftësitë e përgjithshme teknike të nevojshme për ushtrimin e turizmit të aventurës;
• Jetë i aftë të interpretojë mjedisin, historinë natyrore dhe kulturore të rajonit ku zhvillohet aktiviteti;
• Planifikojë dhe organizojë udhëtimin dhe pajisjet;
• Zotërojë aftësitë për të siguruar mbarëvajtjen e veprimtarisë që udhëheq;
• Jetë i aftë të mirëmbajë dhe administrojë pajisjet e nevojshme për ushtrimin e veprimtarisë;
• Garantojë sigurinë e grupit gjatë aktivitetit;
• Garantojë kryerjen e veprimtarive që plotësojnë kërkesat e komuniteteve dhe ekosistemeve aktuale pa kompromentuar nevojat e gjeneratave të ardhme dhe që mbajnë parasysh praktika mjedisore dhe social ekonomike dhe ndikimet e tyre;
• Ofrojë shërbim profesional ndaj klientëve para dhe gjatë veprimtarisë;
• Menaxhojë në mënyrë profesionale marrëdhëniet me klientët dhe furnitorët lokalë të shërbimeve.
  
  

Në përfundimin me sukses të programit të trajnimit, kursanti do të zotërojë aftësitë specifike të nevojshme si udhërrëfyes i specialitetit Kacavarje & Kanionim. Ai do të:

• Dallojë kacavarjen sportive nga ajo alpine, nga bouldering dhe nga kanionimi;
• Zgjedhë pajisjet e duhura specifike sipas llojit të kacavarjes apo kanionimit;
• Mirëmbajë pajisjet teknike të kacavarjes sportive, alpine dhe kanionimit, asistojë dhe instruktojë klientët në përdorimin e tyre;
• Kryejë pastrimin e itinerareve;
  Zotërojë aftësi për të aplikuar teknika të ndryshme sigurimi në vartësi të llojit specifik të kacavarjes;
• Kryejë ankorime të llojeve të ndryshme;
• Asistojë klientët gjatë llojeve të ndryshme të kacavarjes dhe kanionimit;
• Asistojë klientët gjatë zbritjes me litar;
• Jetë i aftë të vlerësojë performancën e grupit para aktivitetit dhe gjatë tij;
• Analizojë rreziqet eventuale gjatë kacavarjes ose kanionimit bazuar në aftësitë e klientëve;
• Hartojë planet e udhëtimit të kacavarjeve dhe kanionimit sipas llojeve specifike të tyre;
• Njohë specifikat e kanioneve dhe përcaktojë veçoritë e aktivitetit në vartësi të tyre;
• Zotërojë teknika specifike gjatë kanionimit;
• Jetë i aftë të navigojë në kanione të panjohura ditën dhe natën;
• Udhëheqë grupin gjatë kanionimit;
• Kryejë veprimet teknike për sigurimin e të dëmtuarve në lartësi dhe evakuimin e tyre.