Trajnim për Agjentë Udhëtimi
Objektivi kryesor i këtij trajnimi është pajisja e kursantëve me njohuritë dhe aftësitë e nevojshme për të ushtruar veprimtari pranë një operatori turistik apo agjencie udhëtimesh, si i punësuar apo edhe duke krijuar biznesin e vet.
Struktura e trajnimit
Trajnimi do të organizohen në formatin hibrid, ku 70% prej orëve do të realizohen online, dhe 30% me prezencë fizike.
Trajnimi do të kryhet në ditë fundjave, si dhe ditëve të Marta dhe të Enjte.
Kushtet paraprake për pranimin
- Kandidati duhet të jetë në moshë madhore;
- Kandidati duhet të ketë mbaruar me sukses arsimin profesional, të mesëm të përgjithshëm, ose çfarëdo programi tjetër studimi mbi nivelin e arsimit të mesëm;
- Kandidati duhet të ketë nënshtetësi Shqiptare ose leje qëndrimi në Shqipëri;
- Kandidati duhet të ketë dëshmi penaliteti të pastër.
Kushtet për çertifikimin
Për të përfunduar me sukses trajnimin, kandidati duhet të:
- Jetë prezent në të paktën 75% të orëve të trajnimit;
- Të plotësojë të tëra detyrat e kursit që nevojiten për realizimin e orëve autodidakte;
- Të arrijë rezultatin e përgjithshëm prej të paktën 70% të pikëve në testimin përfundimtar teorik, dhe jo më pak se 60% të pikëve në secilën prej lëndëve;
- Të përfundojë me sukses të gjitha modulet praktike.
Aftësitë në përfundim të trajnimit
Në përfundimin me sukses të programit të trajnimit, kursanti do të:
- Zbatojë legjislacionin në fuqi lidhur me turizmin;
- Zbatojë legjislacionin e punës;
- Demonstrojë figurë morale dhe etike të përshtatshme dhe disiplinë në punë;
- Respektojë kodin e sjelljes dhe veshjes së biznesit;
- Përshkruajë tregun turistik, subjektet dhe funksionimin e tij;
- Kryejë proçese të thjeshta pune në organizimin e zyrës së një agjencie apo operatori turistik;
- Krijojë dhe mbajë marrëdhënie me furnitorë të shërbimeve turistike;
- Kryejë blerje të shërbimeve turistike;
- Realizojë studimin e tregut turistik në të cilin ushtron veprimtari biznesi i tij;
- Evidentojë klientë potencialë;
- Mbajë marrëdhënie me klientët e agjencisë/operatorit turistik në nivelin B2B dhe B2C;
- Komunikojë me klientët në mënyrë të përshtatshme;
- Kryejë shitjen e produkteve dhe shërbimeve turistike;
- Kryejë veprime pagesash dhe arkëtimesh;
- Dokumentojë veprimet e kryera;
- Shpjegojë elementët përbërës të produktit turistik;
- Krijojë produkte të thjeshta turistike;
- Kryejë llogaritje të thjeshta të kostove dhe çmimeve.