Trajnim për Udhërrëfyes Turistik Kulturor (Kombëtar)

Numri i orëve të trajnimit, të nevojshme për të përfituar çertifikatën e Udhërrëfyesit turistik kombëtar është 600. 

Struktura e kurikulës është:

• 140 Orë njohuri mbi vendin;
• 40 Orë njohuri mbi teknikat e guidimit;
• 180 Orë mësimi autodidakt;
• 240 Orë praktikë profesionale.

Orët teorike do të organizohen në formatin hibrid. 80% prej tyre do të realizohen online dhe 20% me prezencë fizike.

Orët me prezencë fizike do të realizohen në ditë fundjave.

• Kandidati duhet të jetë në moshë madhore;
• Kandidati duhet të ketë mbaruar me sukses arsimin profesional, të mesëm të përgjithshëm, ose çfarëdo programi tjetër studimi mbi nivelin e arsimit të mesëm;
• Kandidati duhet të ketë nënshtetësi Shqiptare ose leje qëndrimi në Shqipëri;
• Kandidati duhet të ketë dëshmi penaliteti të pastër;
• Kandidati duhet të kalojë me sukses testimin e pranimit.

Për të përfunduar me sukses trajnimin, kandidati duhet të:

• Jetë prezent në të paktën 75% të orëve të trajnimit;
• Të plotësojë të tëra detyrat e kursit që nevojiten për realizimin e orëve autodidakte;
• Të arrijë rezultatin e përgjithshëm prej të paktën 75% të pikëve në testimin përfundimtar teorik, dhe jo më pak se 60% të pikëve në secilën prej lëndëve;
• Të përfundojë me sukses të gjitha modulet praktike.
  

Në përfundimin me sukses të programit të trajnimit, kursanti do të:

• Njohë tregun turistik, funksionimin e tij dhe bazën ligjore në fushën e turizmit;
• Zotërojë njohuri bazë mbi organizimin e bizneseve turistike;
• Njohë elementët e produktit turistik;
• Përfitojë aftësi për të vendosur marrëdhënie me furnitorët e shërbimeve turistike;
• Përdorë njohuritë e mara mbi mjedisin fizik dhe natyrën në funksion të ushtrimit të veprimtarisë si udhërrëfyes;
• Përdorë njohuritë e marra mbi gjeografinë humane dhe zhvillimin shoqëror në funksion të ushtrimit të profesionit të udhërrëfyesit;
• Shpjegojë elementët dhe karakteristikat natyrore të rajoneve të ndryshme dhe potencialet e tyre në funksion të zhvillimit të turizmit;
• Shpjegojë tiparet e përgjithshme të strukturës së popullsisë së Shqipërisë, referuar: moshës, gjinisë, vendbanimit; etnisë, fesë dhe zhvillimin human të rajoneve të ndryshme të vendit;
• Përdorë njohuritë bazë mbi arkeologjinë, prehistorinë, dhe antikitetin e Shqipërisë në funksion të ushtrimit të profesionit të udhërrëfyesit;
• Përshkruajë vendbanimet parailiriane, protoiliriane, sitet arkeologjike të Epokës së Hekurit, dhe karakteristikat e tyre;
• Përshkruajë qytetet Ilire: Amantia, Butrinti. Apollonia, Dyrrhachion, karakteristikat. historinë dhe arkitekturën e tyre;
• Përshkruajë qytetet: Bylis, Skodra, Antipatrea, Damastion, Antigonea, karakteristikat, historinë dhe arkitekturën e tyre;
• Përdorë njohuritë e marra mbi historinë e Shqipërisë në funksion të ushtrimit të profesionit të udhërrëfyesit;
• Shpjegojë trashëgiminë kulturore shqiptare dhe elementët e saj;
• Përshkruajë parqet arkeologjike, kalatë dhe kështjellat Shqiptare, qytetet muze, fizionominë e banesave tradicionale;
• Përshkruajë objektet e kultit në Shqipëri dhe karakteristikat e tyre;
• Përshkruajë trashëgiminë materiale të luajtshme dhe karakteristikat e saj në Shqipëri;
• Zbatojë njohuritë e mara mbi artin shqiptar në funksion të ushtrimit të profesionit të udhërrëfyesit;
• Përdorë hartat për t’u orientuar në terren;
• Përdorë burime të ndryshme informacioni në funksion të veprimtarisë;
• Kryejë këshillimin e klientëve dhe dhënien e informacionit gjatë udhëtimit;
• Dëshmojë aftësi të përshtatshme morale dhe etike;
• Komunikojë në mënyrë të përshtatshme verbale dhe jo verbale;
• Zbatojë teknika të larmishme komunikimi;
• Zbatojë teknika të ndryshme guidimit në vartësi të karakteristikave të grupit, llojit të produktiti turistik, vendit që do të vizitohet;
• Kryejë procedurat e pritjes, përcjelljes dhe shoqërimit në lëvizje së turistit dhe të grupeve turistike;
• Trajtojë ankesat e klientëve;
• Asistojë klientë me nevoja të veçanta;
• Kujdeset për sigurinë e grupit dhe menaxhimin e rreziqeve gjatë guidimit;
• Kryejë proçedurat e ndihmës së shpejtë në raste nevoje.