Rreth Nesh

Misioni ynë është të edukojmë, fuqizojmë, frymëzojmë dhe lehtësojmë përparimin në karrierë të profesionistëve të turizmit për të mundësuar ofrimin në tregun e udhëtimeve, të eksperiencave transformuese dhe të qëndrueshme.

The Bridge ShPK është një institut trajnimi i krijuar ne vitin 2018, i liçencuar si i tillë nga Ministria e Financave dhe Ekonomisë me numër licence LN-6283-11-2018. The Bridge ka filluar veprimtarinë me organizimin e trajnimeve për krijimin e ndërmarrjeve, si edhe trajnimeve për personelin e bizneseve kryesisht për çështjet financiare.

Më pas, nxitur nga ritmet e shpejta të zhvillimit të turizmit në vend dhe nga nevojat shumë të mëdha të tregut të punës në këtë sektor, me mbështetjen e specialistëve më të mirë të fushës, janë hartuar kurikulat e trajnimeve profesionale për Udhërrëfyes turistikë kombëtarë dhe të specialiteteve të veçanta, të cilat janë akredituar nga Ministria e Turizmit dhe Mjedisit dhe nga Ministria e Financave dhe Ekonomisë me urdhrin e përbashkët Nr. 426, datë 27.12.2022.

Aktualisht The Bridge është fokusuar kryesisht në organizimin e trajnimeve profesionale të udhëheqësve turistikë të specialiteteve të veçanta.

Trajnimet mbështeten nga operatori turistik Adventure & Fun Albania, i cili zotëron infrastrukturën dhe pajisjet e nevojshme dhe mundëson kryerjen e praktikave.

Realizimi i trajnimeve është bërë i mundur në sajë të bashkëpunimit më specialistët më të mirë të fushave përkatëse në Shqipëri dhe jo vetëm. Pjesa më e madhe e trajnerëve kanë një eksperiencë të gjatë veprimtarie në fushat e tyre të ekspertizës dhe zotërojnë çertifikime kombëtare dhe ndërkombëtare.