Trajnim për Udhërrëfyes Turistik Hiking/Trekking

Numri i orëve të trajnimit, të nevojshme për të përfituar çertifikatën e Udhërrëfyesit turistik të specialitetit Hiking/Trekking është 320. 

Struktura e kurikulës është:

• 76 Orë njohuri mbi specialitetin Hiking/Trekking;
• 20 Orë njohuri mbi teknikat e guidimit;
• 96 Orë mësimi autodidakt;
• 128 Orë praktikë profesionale.

Orët teorike do të organizohen në formatin hibrid. 80% prej tyre do të realizohen online dhe 20% me prezencë fizike.

Orët me prezencë fizike do të realizohen në ditë fundjave.

• Kandidati duhet të jetë në moshë madhore;
• Kandidati duhet të ketë mbaruar me sukses arsimin profesional, të mesëm të përgjithshëm, ose çfarëdo programi tjetër studimi mbi nivelin e arsimit të mesëm;
• Kandidati duhet të ketë nënshtetësi Shqiptare ose leje qëndrimi në Shqipëri;
• Kandidati duhet të ketë dëshmi penaliteti të pastër;
• Kandidati duhet të kalojë me sukses testimin e pranimit.

Për të siguruar mbarëvajtjen dhe sigurinë gjatë trajnimit, kandidati duhet të ketë aftësi fizike për të kryer me lehtësi:

• Ecje malore deri në 8 orë të gjata;
• Ecje malore me një disnivel prej 1500 metra ngjitje vertikale;
• Ecje malore me një distancë horizontale prej 20 kilometrash.

Ditën e parë të trajnimit, kandidatët do të testohen për të vlerësuar aftësitë e tyre fizike.

Për të përfunduar me sukses trajnimin, kandidati duhet të:

• Jetë prezent në të paktën 75% të orëve të trajnimit;
• Të plotësojë të tëra detyrat e kursit që nevojiten për realizimin e orëve autodidakte;
• Të arrijë rezultatin e përgjithshëm prej të paktën 75% të pikëve në testimin përfundimtar teorik, dhe jo më pak se 60% të pikëve në secilën prej lëndëve;
• Të përfundojë me sukses të gjitha modulet praktike. Përfundimi me sukses i moduleve praktike dëshmohet me anë të testimeve praktike në kushte verore dhe dimërore.
  

Për të siguruar mbarëvajtjen dhe sigurinë gjatë trajnimit, kandidati duhet të jetë i pajisur me pajisjet individuale të duhura për aktivitetin.

Këto pajisje janë:

• Çantë shpine për ecje malore
• Këpucë për ecje malore
• Veshje kundër shiut
• Veshje të përshtatshme për ecje malore
• Syze dielli
• Busull
• Telefon Celular

• Zotërojë njohuritë bazë mbi biznesin dhe tregun e turizmit;
• Zotërojë aftësitë e përgjithshme teknike të nevojshme për ushtrimin e turizmit të aventurës;
• Jetë i aftë të interpretojë mjedisin, historinë natyrore dhe kulturore të rajonit ku zhvillohet aktiviteti;
• Planifikojë dhe organizojë udhëtimin dhe pajisjet;
• Zotërojë aftësitë për të siguruar mbarëvajtjen e veprimtarisë që udhëheq;
• Jetë i aftë të mirëmbajë dhe administrojë pajisjet e nevojshme për ushtrimin e veprimtarisë;
• Garantojë sigurinë e grupit gjatë aktivitetit;
• Garantojë kryerjen e veprimtarive që plotësojnë kërkesat e komuniteteve dhe ekosistemeve aktuale pa kompromentuar nevojat e gjeneratave të ardhme dhe që mbajnë parasysh praktika mjedisore dhe social ekonomike dhe ndikimet e tyre;
• Ofrojë shërbim profesional ndaj klientëve para dhe gjatë veprimtarisë;
• Menaxhojë në mënyrë profesionale marrëdhëniet me klientët dhe furnitorët lokalë të shërbimeve.

• Jetë i aftë për të udhëhequr grupin gjatë udhëtimeve Hiking & Trekking në kushte verore;
• Jetë i aftë të udhëheqë grupin gjatë udhëtimeve Hiking & Trekking në kushte dimërore;
• Zotërojë aftësitë për të vlerësuar dhe shmangur rreziqet gjatë Hiking/Trekking;
• Përdorë pajisjet e nevojshme për Hiking/Trekking në kushte verore;
• Përdorë pajisjet e nevojshme për Hiking/Trekking në kushte dimërore;
• Zotërojë aftësitë për të naviguar në terren të panjohur natën dhe ditën;
• Udhëheqë grupin në kushte të ndryshme atmosferike;
• Jetë i aftë të organizojë kampimin në kushte verore dhe dimërore;
• Kryejë veprimet teknike për sigurimin dhe evakuimin e të dëmtuarve gjatë aktivitetit Hiking/Trekking.